إبتدت رحلتي بزيادة الوزن من ونا صغيرة واستمرت معاي إلى الان بتاريخ
8-3-2016
28-6-1437
قررت التغير وقررت إني اعمل عملية تكميم ( قص المعدة )
من قبل سنتين إلى ثلاثة بداية راح اتكلم بإختصار عن الموضوع فتحت ملف بمستشفى الملك فهد العام في عام 2014
اول موعد لي لمقابلة الدكتور أحمد خليل كان بأول يوم اختبارات نهائية لي ف مارحت
وتأجل الموضوع طويل لشهور او ممكن لسنة ماني متأكدة بس مدة طويلة
من بعدها سويت موعد ثاني مع الدكتور وهالمره حاولت اتاكد انه مايصادف ولا موعد لي ف مايروح عليا !
بحكم إني ساكنة بمكة !
ف رحت انا مع بابا من الفجر ووصلنا الساعة سبعه ممكن !
رحت واخذت دور لي عيادة 17 العيادة الحيوية لقياس الطول والوزن والضغط
ومن بعدها اروح استنى دوري لمقابلة الدكتور
ما اخفي لكم اني كنت متوتره يومتها !
كثير ! بسبب انه ممكن يرفضني بسبب عمري
على اي حال كان موعدي الساعة عشرة
الساعد 9 قابلة الدكتور
سألني عن عمري و اذا اعاني اي امراض !
و قلي: مو بدري على العملية ؟
لا مو بدري انا طول حياتي متينه
وقال : ضغطك عالي ليش ؟ فيك ضغط ؟
لا مافيني بس ممكن من المشي الي مشيته
بعدها بدأ يشرح لي العملية و قرر انو يعطيني تحويل للدكتورة الرائعة د منال مرغلاني
كان موعدي معاها بعد شهر
وبكذا انتهى موعدي مع الكتور
